సాబుదానా కిచిడీ

కావలసిన పదార్థాలు :
1.సగ్గుబియ్యం (2 కప్పులు)
2.బంగాళదుంప (ఆలు)- (2 )
3.పచ్చిమిర్చి (సరిపడ)
4.జీలకర్ర (1 టీ స్పూన్)
5.వేయించిన పల్లీలు  (ఒకటిన్నర కప్పు)
6.పచ్చికొబ్బరి తురుము (అర కప్పు)
7.ఉప్పు (రుచికి సరిపడ)
8.నిమ్మరసం (2 టీ స్పూన్)
9.కొత్తిమీర (తగినంత)
10.నెయ్యి లేదా ఆయిల్ (తగినంత)
11.పంచదార ( అర టీ స్పూన్)

తయారీ విధానం :
* ముందుగా సగ్గుబియ్యం ని బాగా కడిగి అయిదు గంటల పాటు నానబెట్టి ఉంచుకోవాలి. అవి నానిన తరువాత వాటర్ వడగట్టి పెట్టుకోవాలి.
*కడాయి లో నెయ్యి కానీ ఆయిల్ కానీ వేసుకుని జీలకర్ర ,కట్ చేసిన పచ్చిమిర్చి ,ఆలు కూడా ముక్కలుగా కట్ చేసుకుని వేసి ఆలు మెత్తబడే వరకు వేయించాలి.
*ఆలు వేగాక అందులో సగ్గుబియ్యం, పంచదార,ఉప్పు వేసి బాగా కలిపి సన్నని మంట మీద 5 నిమిషాలు ఉంచాలి.
* వేయించిన పల్లీలను సగం బరక బరకగా పొడి చేసుకుని ఉంచుకోవాలి.
*ఇపుడు అందులో పల్లీ ల పొడి ,మిగతా సగం పల్లీలు,కొబ్బరి తురుము,నిమ్మరసం వేసి బాగా కలిపి 2 నిమిషాలు సిమ్ లో ఉంచి దించేయాలి.
*తరువాత కొత్తిమీర తో గార్నిష్ చేసుకుని సర్వ్ చేసుకుని తినేయడమే.tasty tasty సాబుదానా కిచిడీ రెడీ.ఖచ్చితంగా try చేయండి. చాలా బాగుంటుంది.
 ఆలు,పల్లీలు అసలు skip చేయొద్దు. టేస్ట్ అంత వాటిలోనే ఉంటుంది.పచ్చి బఠాణీలు కూడా available ఉంటే వేసుకోవచ్చు.